Resulta que a Xunta gasta os cartos en campañas publicitarias en defensa da paisaxe. Claro que ao mellor o único que lle interesa é subvencionar os medios de comunicación afines ao poder. Pero o máis curioso é a forma en que o fai. Fixémonos nas fotografías aparecidas nos xornais. Unha paisaxe marabillosa estragada cunha edificación ficticia típica do feísmo. E a continuación a paisaxe virxe con todo o seu encanto.
Algúns xa se decatarían que o lugar é a ría de Pontedeume vista desde Caldagueiro. O que non se entende é que tivesen que recorrer a unha técnica de photoshop para ubicar unha casa inexistente e afear a panorámica. Máis doado sería amosar o famoso "mamotreto" que a mesma Xunta ordenou paralizar sen que o Concello lle fixese caso.
Eso si, como burlándose dos veciños piden abrir os ollos e colaborar. Téñenos eles pechados?
