No ano 1971 Pontedeume foi declarado Conxunto Histórico Artístico pola relevancia do seu patrimonio arquitectónico. Porén co paso dos anos unha boa parte da súa arquitectura está a desaparecer por mor do desleixo das distintas administracións. Como contrapartida, o actual alcalde, nun exceso de celo, pretende que Pontedeume recobre o seu carácter medieval entendendo este como o propio dunha vila inhóspita, insalubre, caciquil e gobernada con métodos feudais.
