Eucalipto: terrorismo medioambiental

Nestas mesmas páxinas dábase conta dos acordos de Ence coas asociacións madereiras para mercar eucalipto  con destino ás sús fábricas de celulosa. Esta iniciativa da maior empresa pasteira non é un acto illado senón que obedece a unha política que ten como obxectivo converter Galiza nunha enorme plantación de eucaliptos. E Pontedeume non vai quedar á marxe. Sempre denunciouse que o intento do PXOM de errradicar do noso concello todo o chan agropecuario para convertilo en forestal obedecía a unha política deseñada dende as grandes empresas do sector.

Unha proba máis do acertado desta análise témola no proxecto da Xunta para crear grandes plantacións de eucaliptos en todo o territorio galego. En lugar de erradicar esta especie bioloxicamente daniña para o solo, o goberno galego aposta por potenciar o crecemento desmesurado do eucalipto, propiciando a desaparición das especies autóctonas, o empobrecemento do medio rural e o incremento dos incendios forestais. 

Un castigo inxustificado para unha Galiza que exporta enerxía ao resto do estado a cambio de contaminación, destrución do medio ambiente e desaparición da paisaxe natural.

O PXOM de Pontedeume non pode aliñarse con estas iniciativas que moi ben poden calificarse como terrorismo medioambiental.

Delirio ou bufonada?

Pode parecer un chiste pero vindo de quen vén resulta preocupante. Esta é a nova que apareceu hai uns meses na prensa local.
Un determinado tipo de plantas e a orde no que estas están colocadas nunha rotonda son factores que contribúen a regular a velocidade do tráfico. Esta conclusión dedúcese dun informe realizado polos técnicos de Estradas do Estado e que agora se trata de demostrar coa plantación de matas de medio porte e arbustos dun metro de altura na glorieta situada á entrada da vila de Pontedeume.
Os traballos están en marcha desde o pasado luns e, segundo as previsións dos políticos locais, concluirían antes do próximo fin de semana. A obra corre a cargo dunha empresa local e desde o goberno eumés vaUn determinado tipo de plantas e a orde no que estas están colocadas nunha rotonda son factores que contribúen a regular a velocidade do tráfico. Esta conclusión dedúcese dun informe realizado polos técnicos de Estradas do Estado e que agora se trata de demostrar coa plantación de matas de medio porte e arbustos dun metro de altura na glorieta situada á entrada da vila de Pontedeume.

Os traballos están en marcha desde o pasado luns e, segundo as previsións dos políticos locais, concluirían antes do próximo fin de semana. A obra corre a cargo dunha empresa local e desde o goberno eumés valórase do mesmo xeito tanto a realización do proxecto como o feito de que o Ministerio de Fomento pense nunha empresa local para levalo á práctica. A rotonda contribúe a axilizar a circulación rodada nun municipio situado ao pé da estrada Nacional 651.lórase do mesmo xeito tanto a realización do proxecto como o feito de que o Ministerio de Fomento pense nunha empresa local para levalo á práctica. A rotonda contribúe a axilizar a circulación rodada nun municipio situado ao pé da estrada Nacional 651.

Que está a moverse en Pontedeume?

Todos coñecen a influencia do eucalipto nos incendios forestais e a súa facilidade para propagalos. As tráxicas consecuencias do incendio nas Fragas do Eume serían outras se a poboación forestal estivese formada exclusivamente por especies autóctonas. Pero a ninguén se lle escapa que a proliferación de eucaliptos é hoxe un negocio fomentado polas produtoras de pasta de papel.

Un exemplo témolo no recente acordo que Ence asinou coas asociacións Fomento Forestal de Monfero e Promacer de Cerdido. Ence comprométese a mercar 160.000 tn de eucalipto no prazo dun ano destinadas á súa planta de celulosa en Navia (Asturias). Para calibrar a magnitude desta cifra hai que comparala coa cantidade de eucalipto cortado en Pontevedra no ano 2004 para elaboración de pasta de papel: 113.000 tn.

E Pontedeume pode ter un papel importante neste mercado do eucalipto promovido por Ence. O Plan Xeral de Ordenación Municipal aprobado inicialmente polo concello de Pontedeume convirte todo o chan  que ata agora era cualificado como agropecuario en solo forestal. É dicir, deixa aberta a porta a convertir todo o rústico eumés nun bosque de eucaliptos en detrimento das explotacións agropecuarias. 

Non parece unha casualidade que Consultora Galega. empresa redactora do PXOM, tivese a ousadía de erradicar dun plumazo o sistema de vida do rural eumés. Mais ben parece unha concesión a unha determinada empresa papeleira coa connivencia do Concello de Pontedeume. Tampouco é casualidade que os produtores de eucalipto da provincia de Pontevedra estean preocupados pola instalación da celulosa en As Pontes, o que lles privaría de vender a madeira a Ence polo elevado custo do transporte.

En suma, toda unha estratexia a longo prazo na que as Fragas do Eume son un estorbo para levala a bo fin.

O Colexio Oficial de Arquitectos de Galicia (COAG) subliñou o "indubidable valor" do patrimonio construído nas Fragas do Eume.

Acueducto en Pico Vello

A delegación ferrolá do COAG sinala nun comunicado que non só se atopan na zona arquitecturas como o mosteiro de Caaveiro ou as propias aldeas que se diseminan no territorio, senón que tamén acolle pequenas construcións como pontes, muíños, valados e sendas, que "falan da estreita relación do home co espazo".

Subliña que estas construcións conforman "un hábitat que é exemplo de aproveitamento sostible do territorio, máis aínda tendo en conta as sucesivas agresións que a ruptura dese equilibrio veñen producindo ou ata ameazan a súa pervivencia".

Insisten os arquitectos que se trata de patrimonio natural, arquitectónico e, "por encima de todo, social, xa que non podemos esquecer o valor histórico que na articulación da comarca constitúen os mosteiros de Caaveiro e Monfero, o Foro da fundación da Vila de Pontedeume e as 30 parroquias que o integran e, como non, o Condado de Ardrade, como conformador da identidade comarcal".

Finalmente expresan a súa esperanza de que "este desastre ecolóxico e social" sirva "para mostrar, unha vez máis, a necesaria xestión territorial sostible, onde o equilibrio ecolóxico, a identidade territorial e o benestar social articúlense coa lóxica e sentido común cos que este espazo foi desenvolvido ao longo da historia".

Comunicado de Greenpeace a propósito do incendio nas Fragas do Eume

Greenpeace pide ao Ministerio Público para investigar a causa do incendio de fragas Eume e identificar responsabilidades

A organización ecoloxista pide á Xunta  relanzar un plan para restaurar a zona e non aforrar en recursos na loita contra os incendios

Informe - 01 de abril de 2012

Dada a dimensión do incendio que afecta a Mata Atlántica das Fragas do Eume, un bosque único en Europa, Greenpeace pide a Fiscalía Xeral do Estado e á Xunta de Galiza a comprometerse urxentemente investigar as causas deste incendio que devastou unha área que varía, segundo fontes, entre 750 e 2.000 hectáreas.

Zoom

Mércores, Agosto 19, 2009

© Pedro Armestre

A organización ecoloxista lamenta o feito de que máis de 200 persoas foron evacuadas debido ao perigo de incendio, aínda que xa comezaron volver ás súas casas. 

"Os responsabeis do incendio forestal non poden quedar impunes. É necesaria a colaboración cidadana e a acción coordinada da Xunta de Galiza, dos concellos implicados e da Fiscalía Xeral para que esta catástrofe ambiental non sexa esquecida en poucas semanas. Cómpre depurar as responsabilidades ", dixo Mario Rodríguez Vargas, director de Greenpeace. 

A falta xeral de investimento en áreas protexidas segue a ser un problema en Galiza, e unha mostra diso son os problemas endémicos que teñen afectado o Parque Natural fragas Eume desde a súa creación, como a expansión descontrolada das plantacións de eucalipto e unha  planificación forestal moi lonxe dos estándares necesarios para preservar a súa natural e rica biodiversidade. 

Greenpeace considera prioritario un plan de recuperación  na zona, dada a importancia do turismo rural e da natureza do  que viven moitas familias nas inmediacións da reserva.Tamén revisar o Plan de Xestión de Recursos Naturais desta área protexida.

Como o foco inicial do incendio, no municipio de A Capela, está próximo á concesión mineira de Andalucita Picobello SL, a organización ecoloxista tamén insta a Xunta de Galiza e á Fiscalía Xeral que investiguen se hai conexións entre este incendio forestai e a concesión mineira, que foi aprobado pola Xunta de Galiza en 2010 e que é contiguo cos límites da reserva.

Adeus ás Fragas

Nunca antes sucedeu unha traxedia ecolóxica deste calibre na nosa comarca. E en Galiza só é equiparábel o desastre do Prestige. Arden as Fragas do Eume, unha das reservas ecolóxicas máis importantes de Europa. O que era un desastre anunciado, unha posibilidade real que nunca foi tomada en serio, convertíuse hoxe nunha realidade irreversíbel. Como é posíbel que ante os graves incendios que asolan Galiza nas últimas décadas as autoridades non foron capaces de prever e atallar a destrución dun parque natural? Póñense medios para tapar os desfalcos multimillonarios dos bancos, subvenciónanse proxectos empresariais que nunca existiron e dilapídase o diñeiro público en megaconstrucións como a da Cidade da Cultura, pero non se adica unha mísera esmola para preservar o que foi xestando a natureza durante milleiros de anos. Láianse os nosos alcaldes e gobernantes da Xunta da catástrofe das Fragas pero son tan responsabeis como os supostos incendiarios. Non cremos que aqueles que se doblegaron aos intereses empresariais, que deixaron construír a aberración do lago promovido por Endesa, que certificaron a idoneidade dunha mina de andalucita en Pico Vello ou os que envelenaron o Eume e o ecosistema que nel habitaba, teñan aflición polo que agora está a suceder. Políticos e empresarios esquilmaron o noso ben cultural, ecolóxico e patrimonial máis prezado. Quizais agora empecen a plantexarse traer a fábrica de celulosa para a comarca. Sería un triste epitafio para as Fragas.